( قدسية العراق )
~~~~~~~~~~~~~~~~~~~~~~~~~~~~
إنزع نعالك لو تطب أرض العراق
لاتدنس تربته وترابه
لا تدنس أرض مهد الانبياء
بيه مدفون الوصي وأصحابه
من قبل هذا إندفن بيه الخليل
وبيه مرقد للكفل وأحبابه
بي يونس والعزير وشيت
وأذكر أيوب العليل ونومته بمحرابه
ومن ماي الفرات شلون شافاه الجليل
صار عبره والمرض محد عرف اسبابه
ولو تدري شحدث بأرض الطفوف
بيه الحسين نذبح وتشرفت بمصابه
إيه يا أرض العراق شكثر بيه رجال
وكفت عل الحدود اليوم تحمي عتابه
جيش حاميه وحشد والشرطه بيهم زود
لو طكت الغيره تشوف واحدهم بالف دبابه
والله عدنه رجال متهاب الرصاص
ولو رفعنه السيف آبدا ما يرد لكرابه
أخذنه الزود من حيدر علي الكرار
ومن إجاه الآجل أبدا ما ترك محرابه
بالدواعش تحتمي وسفه الزلم هل يوم
نسحكهم لو ابو محمد رضا يحرك السبابه
بكل متر مدفون من عدنه شهيد
انزع نعالك لا تدنس تربته وترابه
~~~~~~~~~~~~~~~~~~~~~~~~~~~~
نجاح ناجي اللوزه
بغداد ........ ٩ / ١٠ / ٢٠١٦
ليست هناك تعليقات:
إرسال تعليق